Heimilislegur veitingastaður

Veitingahúsið Gamla fjósið er staðsett að Hvassafelli undir Eyjafjöllum og stendur undir hinu stórbrotna Steinafjalli sem gnæfir yfir byggðina og er rekið af fjölskyldunni á Hvassafelli. Eftir gosið í Eyjafjallajökli 2010 jókst ferðamannastraumur í sveitinni og var tekin sú ákvörðun að rífa út úr gömlu fjósi sem staðið hafði ónotað í 10 ár og breyta því í veitingastað.

Á Hvassafelli er mjólkurframleiðsla með um 70 mjólkandi kúm sem lifa á grasi og korni sem er ræktað á bænum. Kálfar sem fæðast á bænum eru því margir og verða kvígur að mjólkurkúm en nautin að dýrindis steikum og öðru góðgæti sem finna má á matseðil veitingastaðarins.Áhersla okkar er á góða og persónulega þjónustu og bjóða upp á ljúfenga rétti úr besta fáanlega hráefni sem við ræktum sjálf eða fáum úr næsta nágrenni. Uppistaðan á matseðlinum er nautakjöt sem framleitt er á bænum.

• Staðsetning
• Starfsfólk

Staðsetning

Gamla Fjósið

Hvassafell

861 Hvolsvöllur

Sími: 487-7788

gamlafjosid@gamlafjosid.is

www.gamlafjosid.is

 

Opnunartími:

11 – 21 alla daga

Starfsfólk

Gamla fjósið er fjölskyldurekinn staður. Heiða Björg Scheving húsfreyja á Hvassafelli hefur yfirumsjón með rekstri staðarinns á meðan bóndinn á bænum, Páll Magnús Pálsson, sér um búverkin og ræktar afurðirnar sem fylla svo ljúfengan matseðilinn.

Starfslið staðarinns samanstendur af samheldnum hóp sem lifir eins og ein stór fjölskylda á bænum yfir sumarmánuðina. Þannig skapast stórkostlegur starfsandi sem smitar útfrá sér og skapar einstaka stemningu á staðnum.